iMai 唉咩

		早前喺 group 見到有人 post 黃興記雲吞麵，我仲回應話有好多回憶，當年同女朋友去食，覺得好好味，於是趁昨日星期日得閒，就特登從港島出發去牛頭角，諗住懷緬一番，點知去到門口發覺休息，太太就話講咗幾次，叫你睇下佢哋星期日係咪休息？我記得佢哋以前都係休星期日，你又話唔使，宜家摸門釘冇得食。最後卒之行過十個鋪位，去咗附近一家名為金園的粉麵鋪，太太點了雲吞麵，而我就點咗碗淨雲吞，及一碟炸醬麵，雲吞個頭不大不小，餡料有蝦肉好多瘦肉，小小地魚味，雲吞皮都算滑，太太覺得都唔錯，我就覺得好普通，可能因為太耐冇食炸醬麵，反而有少少驚喜，跟撈麵黎嗰碗湯，比水好飲少少，但同飲水分別都唔係好大，麵底都係爽彈有少許筋度，炸醬的味道調得不錯，肉絲稍為嚡但咬落都冇咩渣，最大敗筆之處是汁醬連肉絲都是冰凍的，撈麵不是浸泡在湯中，所以淥完一陣上咗碟，整體都唔會太熱，跟手就抔啲凍冰冰汁醬落去，食落味道係可以嘅，但凍冰冰嗰下感覺有啲難受。＃下次去邊度食都要搞清楚有冇開檔
		網頁地址:https://www.facebook.com/...0586100/ 帖子日期:2021-03-08 (星期一)